Sportèll de la Lenga Occitana

Lo sportèll de la Lenga Occitana l' es un servici sostenut da la lei 482/99 per protèger las minòranças stòricas.

L' istitucion de lo sportèll pròvincial de la Lenga Occitana l'es un prójèt volhut lo mai da la Prèsidenta Rosaria Succuro, empenhàa totavia a quiavar sul camp totas las pòssibilas acionas de proteccion, conèssensça e valorament de las minòranças stòricas de la Pròvincia de Cosenza.

L' es un servici gratuit qu'al dona a las personas un ajuia linguistic spècializat e quàlificat per rendre mai fàcile la comunicacion din la lenga albanésa e/ò occitana tra lhi ciutadins e las istitucionas.

Se setz administrators publics, magistres, ciutadins o amànts de la lenga albanésa e/ò occitana, aiquest sportèll al se véna ad donar un ajuia linguistic quàlificat e competent.

L' ofici al fai aiquestas activitàas aiçí:

Ajuia linguistic: per valorar e far conoire la lenga de las minòranças, lo sportèll al vèna a donar ajuia din las activitàas de recèrca fasent en mód que la se pérda pas las particòlaritas linguisticas per corpa de la itàlianizacion que ilh se pòs pas scansar e qu'ilh es totavia mai fòrta e de la stardardizacion a la quàla totas las minòranças ilh son continuament espòstas per la pòsicion de seconda lenga en rélacion a la lenga e a la cultura dominanta.

Ab aiquesta activitàa poem crear, un esempi, documents administràtivs coma cèrtificats de nàscita ò matrimoni ab tot'e doas las lengas perquí l' us de la lenga al as da pas èsser limitat solament a la tradicion òrala.

Corrècion e traducion de ròba escritta: las personas qu'ilh vènen al sportèll ilh vènen ajuiaas din la traducion e trascricion de ròba escritta decò per una conèssença mai grànda de la lenga identitària.

Voletz una traducion de un manifèst per la fésta òrganizàa dal Comun vòstre? Las personas din lhi spòrtells ilh son a despòsicion sensa besonh de paiar.

Labòratòris e pròjéts per l' edòcacion. Lo sportèll al pilha lo empènh a réalizar pròjéts de edòcacion lenguistica lo mai per las mainàas e labòratòris destinats a valorar l' identitàa linguistica tutélàa.
 Volaz òrganizar un labòratòri de lenga din l' escòla vòstra? Lo spòrtell al 's compànha a lo fàr.

Cònsulença: recérca lenguistica fàita sul luéc sus una riquíesta particòlara. Coma prima còsa lo sportèll de la Lenga Occitana al cérca de fatigar ensèm ab Escòlas, Proloco, Assòciacionas e Officis qu'ilh costudissen aiquestas entitàas lenguisticas usant un'assistença privàa e qualificàa per crear una vèra réta qu'ilh as totavia e massimament la finalitàa de protèger e far conoire a tots cànts la lenga.
Avetz besonh d'una recérca sus un ditàge dich ab la lenga de las minòrancas dal territori de la Pròvincia?Avaz entencion de òrganizar reunionas ò activitàas de pròpaganda de la lenga ab lo spòrtell linguistic pròvincial? Sém totavia a la bànda vòstra.

 Còntacts:

Intraz din al link a la endréita vóstra per connoire la via de lo spòrtell linguistic, las còrdinàas e las infòrmacionas necessarias a cóntactar lo pérsònal a pósta per lhi servises rélarives a la lenga minoritària qu'ilh 's enterèssa.